|
| 13/10: YO就生日so同佢同man去食飯,去左厠所到食,之前同man去過~~~去呢個地方係因為諗唔到旺角有咩有特色而佢又未食過既野,加上記得佢之前話唔會去d咁既地方,即係未去過la,so懶神秘唔話佢聽帶佢去等佢冇得ae~~~上次同man,量o係到食麻麻,可能係下午茶...今次晚餐又幾掂wor,個招牌咖哩雞超正,跟住杯洛神花蜜都係好正ar,個洛神花仲食得添ga,酸酸o地似梅味,好得意!!!加上d器皿又尿兜又厠所又浴缸,全部大大舊大陣仗,叫做有d得意野影o下相,加上冇乜人,完全ok!!!man剛去完韓國買左手信俾我o地!!!我係鐡筷子同spoon(唔識打中文)仲有韓國版辛辣"杯麵",多謝哂先~~~講起杯麵我呢一世都記得!!!o係佢未去之前問佢會送d咩俾我,佢諗都唔洗諗答我"杯麵"!!!o個刻我真係諗原來我o係佢心目中只係值個杯麵...聽到呢兩個字忍唔住"小"佢~~~佢既解釋係"咩ar,韓國最出名既手信係杯麵ar~~~"聽完即刻噴左嗒氣出黎,笑!!!以後無論去英國美國德國意大利台灣泰國旅行既時候都可以買杯麵黎做手信喇,因為每一個國家最出名既手信唔係d咩,其實係"杯麵"ar!!!哈哈哈哈哈......你有排俾我笑ar!!!十點左右飛到埋切蛋糕,即買火機蠟燭~~~佢幾多歲生日???睇蛋糕上面個牌就知...好老ar!!!!!!!!!!!!生日快樂~~~   
15/10: 今日同爸媽細佬去食buffer補祝番媽生日,講番聲生日快樂先!!!本來諗住去都會海逸,點之去到先知原來$488一位,woo原來而家d酒店buffer係咁貴ga~~~so周圍再睇o下食咩,最後去左美麗華廣場我成日想去食長腳蟹既TODAI到食buffer~~~一生人第一次食長腳蟹,ok la~~~其他野都幾好食,壽司甜品全部細細舊,唔洗驚食唔哂浪費!!!佢o地話呢到普通,但係以我呢把垃圾口黎講都叫好食ga!!!    
26/10(午): 今日番明星,係我人生裏面一日之內見到最多人沖突既一日~~~食飯o個陣"收銀ar姐 VS 京點ar姐",事發原因係有人搣咸蛋殼o個陣飛左落另一個人到!!!跟住做做o下野流鼻水入左洗碗部諗住攪攪去,點之就有野睇"洗碗ar姐 VS 洗碗ar姐",事發原因不明...首先有個ar姐唔知咩事向另一個ar姐狂潑水,o個時以為佢o地o係到玩,點之個ar姐追住佢想打咁,停左之後就兩個一人拎一隻碗想開拖,最後俾個大佬勸番掂~~~跟住又聽個ar姐講留下d客等位o個陣又唔知仲咩差d打交~~~跟住個ar姐話唔知今日係咩咩類似赤口o個類既日子,所以個個都咁火wor~~~   
26/10(晚): 同yo,yo妹,man,嚀,焦焦,肥肥,Gary,佩佩,Benny,子瑜去OceanPark 哈囉喂~~~約到亂哂!!!玩左五個鬼屋,最正係迷幻o個個,完全俾點點人同黑影人嚇親,o個種恐怖直程係心寒o個隻,超掂!!!其餘都冇乜特別,同上年一樣笑多過嚇...最食屎係o個個厲鬼邨,排成粒鐘隊點之o個架傳說好恐怖既"車立"冇開,等我仲一心諗住黎玩架"車立",真係頂佢~~~冇左架"車立"條路都勁快玩完,即係排成粒鐘玩3分鐘都唔知有冇...yo o係鬼屋既表現尖叫同扯人件衫係例牌,不過最正都係佢奮勇逃生之餘仲會將其他人推埋d鬼到,絕~~~o個個當然係我la...另外子瑜既尖叫原來仲勁過yo,一山還有一山高~~~不過最正都係佩佩,佢個無奈樣真係絕,如果我係o個d扮鬼既人首先會覺得自己嚇唔到人"火羅"左,跟住就會想打佢打到佢出驚樣為止,哈~~~11:30同yo佢o地走人飛的落旺角食麥記,11:50落車之後又見到有人o係條馬路到噪,最後有人仲俾人打暈訓左係馬路到,攪到好多警察同好多人睇好大鑊,都話今日唔知係咩咩日子ga la~~~   
29/10: 今個月買既碟真係多到聽唔哂,個個都o係呢排出碟,真係痴線架!!!今個月先買左隻側田,跟住買左隻王菀之,then又手痕買左隻The Pussycat Doll再加細佬買既Rain,o岩o岩今日又買左隻Pink,即係一個月聽5隻碟,隻隻都咁正,唯有輪住黎聽~~~黎緊下個禮拜又有隻Christina...你唔好同我講Fiona又出ar,我隻耳仔同財政就黎崩潰ga喇!!!不過如果Fiona出埋都好既,即係我今年要買既碟都應該買齊喇,可以唔洗再用錢住lu... | | |
| 好耐好耐好耐冇打喇!!!一年多d到la~~~原因係...原因係...同埋原因係......ha~~~其實係因為自己太滿意個版面,唔想d自以為影得好靓既相去左第二版,就係咁無聊得簡單~~~或者亦都係走唔出過去掛,雖然而家都唔叫走得好出,但起碼會投入番現在~~~自從停左打之後都好少影相,我諗我唔叫不進則退,係叫不進則停!!!不過而家um...又繼續lu~~~ 28/9: 睇王菀芝演唱會,又見到鳩威,上次eo2已經見到~~~王菀芝把聲真係好靓!!!不過個concert我諗唔係人人受得住,一來多爛gap,二來個concert大部份時間都好靜~~~我諗真係要聽開佢同熟識佢既人先會o岩睇,陪人去睇o個d包你訓得著!!!不過幾o岩我睇~~~例牌嘉賓張敬軒,慣~~~特別嘉賓許志安,又係佢...之前eo2又係佢~~~最正係佢ar爸媽o個段,佢ar爸講到好似中國領導人講野,而佢ar媽就成日突然爆幾句出黎,例子有 "係真既" 同講左句 "你o地係咪以為自己去左北京ar?"如果呢排有睇娛樂直播就會知我講咩!!!仲有佢細個真係好得意!!!    
3/10: 同肥肥睇側田,張飛o係yahoo bid,o個個人應該唔得閒去,so $450賣左兩張$450位既飛俾我,第十行ar!!!!!!!!!先去左池記,佢食廿幾蚊,我就食左成五十幾蚊,好心痛...之後搭車去emax,都係見到鳩威~~~開場之後完全feel到佢把聲好累,不過都係咁好聽,只不過係覺得佢好慘,有d心up,因為之後仲有成4場,真係擔心佢點捱落去~~~成個演唱會我淨係掛住影相,好多野都錯過左,好唔專心...有圍我平時睇演唱會既態度...今晚stephy做嘉賓,唱"再見不是朋友",唔多掂~~~之後有part rock野幾正!!!暗示佢女朋友係林苑,不過而家分左手,話自己唔懂得珍惜,又話冇見佢三十日之後就作左隻"三十日",雖然之前o係電視聽過佢講呢d野,但現場聽好感動!!!快d番去側田到la林苑!!!個show8點8開,10點8完,雖然好快就完,但係又唔係好介意,因為聽到佢真係幾辛苦,又可能係因為咁既價錢有第十行so唔介意,如果用原價買既真係唔知會點... 今年睇左好多concert,有容祖兒,張敬軒,郭富城,eo2,王菀芝同側田~~~joey o個個現場睇冇乜特別,但睇番dvd又幾正!!!張敬軒o個個現場超正!!!郭富城都唔差,視覺效果好!!!eo2 o個個估唔到咁正,超後悔冇帶相機,最後仲同其他人一齊上台跳舞,ha!!!王菀芝側田就以歌會友多d~~~全部都幾好!!!
    
| | |
| 16/8: 同yo姐睇Gwen Stefani個concert!!!o係地鐡等,估到佢會戰衣上陣,不過估唔到件戰衣仲露得多過 Gwen!!!than go to 東涌,途中o係到曬恩愛,好很曬ar!!!thx your手信~~~食老麥,yo姐食量驚人,感覺好似同男人爭薯條食咁!!!差唔多7點半去到,買爆谷入去偷食,等到差唔多訓著就開show~~~一出場已經全場人企哂起身起哄,不過頭幾隻佢唱得ma ma,完全未開聲,浪費左隻"4 in the morning"...之後都係d hit歌勁high,新歌悶場...感覺普通~~~點之唱到"Cool" o個陣佢落左台全場走,仲走埋黎我o地o個邊爬埋上黎唱歌(淨係我o地呢邊先有咋),wow正爆!!!勁近見到佢!!!呢$480真係抵!!!之後全場既人開始high爆,yo姐too,見到佢每high幾秒就要驚變yumiko一次個樣真係好笑~~~睇到十點半就完!!!今次見唔到fiona見唔到蘇施簧見唔到任何明星...than搭車番沙田食d野先back home~~~ 有時d野真係好奇妙,之前因為我輕視左個賣飛情況諗住臨開場先買$280 d飛,點之開show前一個星期先發覺原來賣哂,逼住買$480,跟住周圍撲錢買飛(thx to珊)!!!點之就買到而家呢區可以近距離見到佢!!!有時d野真係...... 呢個係我第一個真正睇到fing手+un身既concert,而yo姐就尖叫+狂跳,ha~~~成晚我估有八成人由頭企到落尾,包括我o地~~~今年真係正,睇左兩個好正既concert~~~Christina唱每一隻歌都好震撼到人心,而Gwen就好識得攪氣氛!!!一個正爆,一個high爆!!!不過都係Christina正d,要幾日先平伏到心情... 
| | |
| Today, I'm very happy~~~I had lost my happy on the other things long long time & lose myself recently~~~Thank you Christina!!! 這樣就半年~~~再次打xanga係因為Christina!!!今日係Christina 黎hk開show既日子,同ar媽睇!!!好正,好high,好感動,一直都冇諗過佢會黎hk,夢想成真!!!成世仔睇過最正係呢個concert,一個半鐘完全冇停過,外國d show真係唔同d!!!原來快樂不只xx,還有音樂~~~但只得一天... Good Show!!!畢生難忘~~~ 
| | |
| 1/1: 2/1: 
3/1: 
4/1:  
5/1:  
6/1:  
8/1: 
| | |
|
